Andrew Lahde的最後通告 (2008年10月27日錢志健)
Andrew Lahde，一位在次按及金融海嘯中勁賺866％的對沖基金經理（2007年回報），上周寫了一封公開信給其對沖基金的投資者，以及有興趣「八卦」為何他要離場的傳媒朋友。文章的大標題是這樣：〈Goodbye and F--- You All!〉假如讀者有想像力，也知道這個F---是不大好的助語詞，但Lahde是要引起投資者的關注。
雖然在2008年首九個月，Lahde也有正回報，而他又利用場外（OTC）衍生工具成功地沽售次按有關資產而大賺，但他已「身心疲倦，無力再玩」。
Lahde的公開信中，除了說他再難以掌握市場的感覺及方向外（No strong opinion about any market right now!），更重要的是，Lahde需要「修補」自己的健康狀況。Lahde管理的資產不算多，只有8000萬美元，如管理及獎勵費是正常的2／20，即2％管理年費及20％獎勵費，他最少已有數百萬美元收入。
成敗繫心理質素
我相信某程度上，我了解Lahde的想法。他現在才三十七歲，在公開信當中，還說到很多對沖基金經理的「致命傷」，就是the Legacy thing，即要「名留千古」這個問題。如果有同業現在看這篇文章，我最同意的是拋掉你身上的黑莓（Blackberry），因為被資訊及工作控制，是很多中環、華爾街、東京、倫敦等金融圈中人的毛病，get stuck！
兩年多前，我在《信報》寫過一篇文章，講到操大盤的交易手，不可能在沒有最好的精神狀態下做交易。我認識一些二十多三十歲的「後生仔」，精力旺盛，在中環「蒲」到三、四點凌晨時段才返家小睡三小時後，六點早上又回到交易室再「搏殺」。這些做宏觀環球（Global Macro）的交易手，如果認為澳洲不是重要市場，香港時間七時多也需要「蒲頭」，因東京還是不可忽視的市場（東京時段9時開市，時差快香港一小時）。我認識的交易手，為了減少佣金給投資銀行的Sell-Side Trader，很多時會用電子盤作交易買賣（DMA, Direct Market Access），而不再和Sell Side的交易員「吹水」。
在忙碌的交易日，在沒有精神下操盤，是極危險之事。對投資者而言，這是不負責任的行為；我同你講，散戶在「沒有人理會」情形下的電子盤買賣，心理質素很多時便是成與敗的主要元素。
落筆此一刻，是周五下午4點30分。看到恒指過千點的回吐，我關心的，是很多人的心理質素，錢不見了，已是次要。
美國在2006年樓市泡沫未爆破前，住宅市場的總市值約20萬億美元。整個市場中，有10萬億美元是有做按揭的，即普通按揭加次級按揭，平均每個美國家庭，有75000美元資產在房屋中；一些富裕地區，如加州的蒙特利半島（Monterey Peninsula），平均房屋資產達40萬美元；中部一些地區，平均房屋資產則只是25000美元而已。上兩月我們已提及「證券化」的債權、業權或行使權，可以被轉讓再轉讓，以小博大的散戶，財富有很多已是Total Writeoff，而在美國，視乎你在哪個州居住，有很多原先已是用次按作借貸的貸款人，房價下跌，失業、物業被收回、銀主盤湧現市場，這當然不單影響普通人。我有一些朋友的朋友，在美國專做No money down的投機者，因槓桿過度，最終要宣布個人破產，有很多也是專業人士，在華人社區有頭有面，衰在一個「貪」字。
圈內圈外氣氛沉重
我無興趣用再多一些文字去講金融海嘯下的衝擊。現在周一至周四，我辦公室樓下蘭桂坊的酒吧靜得要命，以前飲啤酒，是Buy one get one free，現在有一些酒吧已是Buy one get two free，可以見到金融圈「內」和「外」的氣氛俱極沉重。
再返回操作的領域，上周在香港證券學會Logical Trader的講座，有一位基金操盤人問我股票的補救方法，即repair strategies。我是用期權跨價買賣策略的信徒，但做任何Debit Spread再加同數量的Write Call，正股是必然看漲才可以做的。現在除了很多傳統及對沖基金需要變回現金，即像女人街的賣東西策略：「要錢唔要貨」，我想不到用repair strategies如何可以幫到那一位「長倉」的基金經理，我覺得直至年尾，沽壓力量都非常沉重。
曹Sir在《信報》講到春節前後將爆裁員潮；羅耕在《信報》睇港股最差可以比現在更差，世界是否從此灰暗？
上周五，8時20分。我看到美國的道指電子盤交易，今天的期貨價格比起周四已低了550點。日經指數上周五已跌破8000點。當我完成這文章，我也沒有興趣知道道指在清晨四時的收市價，因為我要做的投資部位，我已做了，但和很多行家一樣，我的現金水平差不多是增持到極限，因為做錯的機會有無限的大；我不需要「名留千古」，但在操作的領域，我需要找到平安。
「即時死」與「慢慢死」
在這驚濤駭浪的時刻，我只會更加跟隨遊戲規則，不會硬要為交易而交易。我在這Whipsaw Market，已不能判斷大盤的走勢，我只可以等待機會，把Cash level提升，才能避開金融海嘯的吞食。海嘯是來得突然，殺傷力驚人。我相信這次是Nuclear Winter，真正的核子寒冬，因對沖基金行業，據倫敦《金融時報》估計，全世界將有三分一的基金從此消失，有一些是「即時死」，有一些是「慢慢死」，情況同樣可怕！
再談Andrew Lahde。我相信這位仁兄已是被市場壓迫到「爆炸」那種，so call it quits。不是有很多操盤人可以「捱」到幾個cycle，有些基金經理自視過高，最後一鋪勁蝕，最後還要返回起點──從頭開始。
在艱難的日子，我仍然相信人間有情！「盼望之旅」Ride 4 Hope，將夥拍Harley Davidson電單車隊的部分成員，在聖誕節期間，作五日四夜的廣東省粵西自駕私家車慈善之旅，為廣東茂名山區小學籌集善款，用於修建校舍和作助學之用。作金錢及行動上的「付出」，很多時比起窮一生精力研究炒賣有意義得多！有興趣了解，可用電郵聯絡我。
最後，身家少了幾多，不重要。如果你有家庭溫暖、健康、友情、積極的人生觀，你已擁有很多！祝大家平安！
mdehedgecenter@gmail.com
2008年10月29日星期三
2008年10月16日星期四
金融海嘯下 我仍覺富足
金融海嘯下 我仍覺富足 (錢志健 2008年10月13日)
金融海嘯令很多人失去安全感，用Bloomberg機看一看各大銀行的風險，你會發現大摩的五年信貸違約掉期（Credit Default Swap，簡稱CDS），已抽高至1300點子，比起高盛的540點子或美銀的186點子高出很多（如你有彭博資訊機，可按GCDS）！即是說，目前以CDS作指標，大摩的風險極高。我上周四在happy hour時段，還打趣和幾位傳媒朋友說可能我「老花」，看錯電腦上的小點；結果我真的無看錯！
上周五評級機構穆廸可能快要把大摩的長期A1級別降低。評級機構Egan Jones Rating指出，大摩需要注資600億美元，用來維持正常運作！大摩由今年年初直至上周四，股價大跌了48％。上周五大摩曾比周四的收市價再跌40％，最低見6.71美元，收報9.68美元。目前的問題是，大摩會否步上雷曼兄弟後塵？
無人知哪間經紀行安全
目前投資者及整過華爾街，除了懷疑日本UFJ Financial可否會真的注資大摩，它的交易夥伴（Counterparty）包括其他投資銀行及對沖基金，也要再重新評估大摩的交易風險。大摩的「難以評估資產」，英國叫作「Hardest to value assets」，在上季增加13％，行內人叫它做Level 3。無可否認，大摩急於要UFJ的90億美元注資（換取差不多20％權益）。
試想一想，9月15日雷曼宣布破產後，大摩在9月22日宣布UFJ將會注資到現在，股價已下跌了70％。文章出版的今天，是美國長假期Columbus Day，美股周一沒有市。我盼望UFJ注資大摩毋須要等到原先的14日（即明天，星期二）才可以成事，給全世界一個驚喜！
現在用大摩作為主要經紀（Prime Brokerage）的對沖基金，在雷曼出事前後已見到五年期CDS已抽高至1000點子以上，基金出現逃亡潮，何解？雷曼兄弟破產後，已凍結了差不多600億美元對沖基金資產，做了植物人，很多行家也想把資產搬到別處，但哪間主要經紀行最安全？這好像是一個謎。
大摩目前的難以評估資產，已增至784億美元；上周五收市，大摩市值只是103億美元。歷史會見證，星期二（最遲明天）UFJ的注資，會否成事。全世界也希望這交易可成事（get it done right）！
外資行將炒人
落筆的此一刻，是星期六下午。讓我在下文，分享一下在這艱難時期，我們可以做什麼。兩個鐘前，有位美資投資銀行的老外高層，和我在中環「吹水」。他做的美資行，十二小時前錄了一段五分鐘的留言口訊（Voicemail）給全世界的員工收聽。其中一段說話，是全世界現正面對前所未有的考驗，投資銀行將會做出一些更大的tough decision，即炒更多的人！我和老外M說，你未算高級，這些level薪金未算最高，應該炒一些薪金更高、福利好又有房屋津貼的level級別人士，先會到老外M。
老外M只是三十多歲。他做的這間投資銀行出了很多猛人。筆者不想在此欄為M的公司賣廣告，但這間少林寺出來的政經猛人，現在努力拯救全世界，是現在進行式，但成效還是未知之數。
M目前是Executive Director；美資行的執行董事也有很多級別，他擔心如果被炒，會否再有這些高級職位重現。他是異型老外高級打工仔，在亞洲「搵食」，但返回老家可能無得「食」那類，因世界不斷會有更精明或有人願意收便宜一些的薪金去爭食，這是這行業的自然定律。
在金融海嘯下，我不知道有幾多人還有心情打電話上電台或電視台問股票的「貼士」？我在2006年中開始「金融圈內」這專欄時，已談到金融圈外的一切才是最重要。上年度首三季賺了幾多也好，我相信大部分做長倉的人，目前都是有着無限的失望。
教宗本篤十六世（Pope Benedict XVI）上周說：「Money vanishes, it is nothing.」（金錢沒有了，又有什麼大不了）。他還說：「he who builds only on visible and tangible things like success, career and money, builds the house of his life on sand.」（即是話，金錢、成就及事業，一切都是過眼雲煙）。很多人以為千載難逢的投資機會也變成遺憾。有很多人窮一生精力去研究股票或投資技巧也完全失效，那什麼才是最重要？
我無能力預測大市。我在絕對回報的操作領域，只可做好我要做的事情（try my very best）。正如教宗上周在梵蒂岡的演說：「the only solid reality is the word of God」（即上帝的話語才是永恒不變）。上帝給我們的一切，包括親情、友情、健康、有錢、無錢、才能、知識、生病、食物、飢餓、呼吸、生存及離去，都是有定時。我已覺得很富足！祝福大家！
mdehedgecenter@gmail.com
信報財經新聞有限公司版權所有，不得轉載。
金融海嘯令很多人失去安全感，用Bloomberg機看一看各大銀行的風險，你會發現大摩的五年信貸違約掉期（Credit Default Swap，簡稱CDS），已抽高至1300點子，比起高盛的540點子或美銀的186點子高出很多（如你有彭博資訊機，可按GCDS）！即是說，目前以CDS作指標，大摩的風險極高。我上周四在happy hour時段，還打趣和幾位傳媒朋友說可能我「老花」，看錯電腦上的小點；結果我真的無看錯！
上周五評級機構穆廸可能快要把大摩的長期A1級別降低。評級機構Egan Jones Rating指出，大摩需要注資600億美元，用來維持正常運作！大摩由今年年初直至上周四，股價大跌了48％。上周五大摩曾比周四的收市價再跌40％，最低見6.71美元，收報9.68美元。目前的問題是，大摩會否步上雷曼兄弟後塵？
無人知哪間經紀行安全
目前投資者及整過華爾街，除了懷疑日本UFJ Financial可否會真的注資大摩，它的交易夥伴（Counterparty）包括其他投資銀行及對沖基金，也要再重新評估大摩的交易風險。大摩的「難以評估資產」，英國叫作「Hardest to value assets」，在上季增加13％，行內人叫它做Level 3。無可否認，大摩急於要UFJ的90億美元注資（換取差不多20％權益）。
試想一想，9月15日雷曼宣布破產後，大摩在9月22日宣布UFJ將會注資到現在，股價已下跌了70％。文章出版的今天，是美國長假期Columbus Day，美股周一沒有市。我盼望UFJ注資大摩毋須要等到原先的14日（即明天，星期二）才可以成事，給全世界一個驚喜！
現在用大摩作為主要經紀（Prime Brokerage）的對沖基金，在雷曼出事前後已見到五年期CDS已抽高至1000點子以上，基金出現逃亡潮，何解？雷曼兄弟破產後，已凍結了差不多600億美元對沖基金資產，做了植物人，很多行家也想把資產搬到別處，但哪間主要經紀行最安全？這好像是一個謎。
大摩目前的難以評估資產，已增至784億美元；上周五收市，大摩市值只是103億美元。歷史會見證，星期二（最遲明天）UFJ的注資，會否成事。全世界也希望這交易可成事（get it done right）！
外資行將炒人
落筆的此一刻，是星期六下午。讓我在下文，分享一下在這艱難時期，我們可以做什麼。兩個鐘前，有位美資投資銀行的老外高層，和我在中環「吹水」。他做的美資行，十二小時前錄了一段五分鐘的留言口訊（Voicemail）給全世界的員工收聽。其中一段說話，是全世界現正面對前所未有的考驗，投資銀行將會做出一些更大的tough decision，即炒更多的人！我和老外M說，你未算高級，這些level薪金未算最高，應該炒一些薪金更高、福利好又有房屋津貼的level級別人士，先會到老外M。
老外M只是三十多歲。他做的這間投資銀行出了很多猛人。筆者不想在此欄為M的公司賣廣告，但這間少林寺出來的政經猛人，現在努力拯救全世界，是現在進行式，但成效還是未知之數。
M目前是Executive Director；美資行的執行董事也有很多級別，他擔心如果被炒，會否再有這些高級職位重現。他是異型老外高級打工仔，在亞洲「搵食」，但返回老家可能無得「食」那類，因世界不斷會有更精明或有人願意收便宜一些的薪金去爭食，這是這行業的自然定律。
在金融海嘯下，我不知道有幾多人還有心情打電話上電台或電視台問股票的「貼士」？我在2006年中開始「金融圈內」這專欄時，已談到金融圈外的一切才是最重要。上年度首三季賺了幾多也好，我相信大部分做長倉的人，目前都是有着無限的失望。
教宗本篤十六世（Pope Benedict XVI）上周說：「Money vanishes, it is nothing.」（金錢沒有了，又有什麼大不了）。他還說：「he who builds only on visible and tangible things like success, career and money, builds the house of his life on sand.」（即是話，金錢、成就及事業，一切都是過眼雲煙）。很多人以為千載難逢的投資機會也變成遺憾。有很多人窮一生精力去研究股票或投資技巧也完全失效，那什麼才是最重要？
我無能力預測大市。我在絕對回報的操作領域，只可做好我要做的事情（try my very best）。正如教宗上周在梵蒂岡的演說：「the only solid reality is the word of God」（即上帝的話語才是永恒不變）。上帝給我們的一切，包括親情、友情、健康、有錢、無錢、才能、知識、生病、食物、飢餓、呼吸、生存及離去，都是有定時。我已覺得很富足！祝福大家！
mdehedgecenter@gmail.com
信報財經新聞有限公司版權所有，不得轉載。
現在估底實太早
現在估底實太早 (曹仁超 2008年10月16日)
注資不能改變股市走勢
CRB指數（代表十九種原材料）跌幅已達39％，可以媲美2000至01年（跌幅37％）或1997／98年（跌幅28％）。家吓銅價仍較2001年低潮時高出三倍；油價同1998年低位10.35美元距離仲好遠。根據哈佛大學經濟學家Martin Feldstein（佢同時係美國商業周期成員）研究，通常商品價格見底後一年經濟先復甦。換言之，即使CRB指數最近已見底，我地最少仍面對一年衰退期。高盛證券估計，明年鉛價將回落17％及銅價回落12％。UBS估計，鎳價仲有32％及白金50％下跌空間。摩根士丹利估計，明年鉛價將回落20％及鈀金45％。如佢地嘅預測準確，即距離衰退結束期仲遠。股市通常响衰退結束前三至六個月先見底，依家估底係咪太早?!
聯儲局宣布，連同G7將採取一切有需要手段去水浸金融市場。上述行為可能引發股市短期反彈，可唔可以改變股市長期大方向？答案係唔可以。
花旗調低中國境內銀行純利估計，平均達20%至26％，明年再減少22%至28％。內地銀行股前景繼續睇跌，令喺本港上市內地銀行股嘅股價今天跌幅好大。
特首今天認為，呢次全球信貸壓碎，較1997年亞洲金融風暴嚴重，香港已進入不穩定期，並已擔保全港存款安全。過去十二個月全球股市冇咗7萬億美元市值，香港經濟係海島式經濟，無法避免唔受外面因素影響，何況過去港股受流動資金推動而一度升上32000點；去年所產生嘅財富效應及今年財富萎縮，令香港成為世界經濟中最槓桿化嘅地區之一。面對呢種局勢，特區政府可做嘅事好有限，市民只有自求多福。擔心全球經濟陷入衰退，令反彈市好短命，各國政府只係成功制止恐慌，卻未有解決危機。
有人形容依家美國經濟好似剛急救成功嘅病人，雖然已離開深切治療室，但各位唔好希望佢明天可以參加跑步。
紐約大學Nouriel Roubini教授認為，美國將進入四十年內最嚴重一次衰退，估計長達十八至二十四個月，失業率高達9％；未來住宅樓價再下跌15％；次按危機帶嚟約3萬億美元虧損（10月7日IMF估計1.4萬億美元），家吓已公布嘅虧損只有6370億美元。
雷曼兄弟三千五百多名活躍客戶持有450億美元證券，因雷曼兄弟破產，佢地無法操作自己嘅戶口，喺最近一個月跌市中損失慘重，如因此資不抵債，仍需補孖展。佢地可能較雷曼迷你債券苦主更苦，因雷曼兄弟破產而無法止蝕先會變成負資產。
展望未來，英美樓價繼續下跌，以及銀行繼續需尋找新資金注入以提升穩健性。62萬億美元市值嘅CDO市場，已減少至上周五嘅50萬億美元，估計未來仲會繼續減少落去。最終經濟可復甦，問題只係唔知邊一天開始。與1989年六四事件唔同，當年滿街鮮血（政治方面）係入市時機；今年反而係市場好麻煩（Trouble in the market）才令滿街鮮血，不可一概而論。恒生指數由去年10月高峰至今，已大跌超過50％（其中一半由9及10月完成）。1974年嘅教訓係遲入市好過早入市。
雪茄伏認為，政府一連串措施只能穩定金融系統，但無法阻止衰退出現；美國樓價仍在回落，即銀行界虧損仍在擴大。佢唔認為大量注資可引發通脹（喺衰退期通脹唔會出現），反而應擔心我地幾時先可以擺脫衰退。
黑石集團CEO施瓦茨曼認為，銀行恢復健康需時（呢間公司去年6月以31美元上市，最近市價11.54美元），銀行股冇吸引力。
Jeremy Grantham係GMO主席，佢認為家吓入市仍太早，因為美股仲未算便宜。
Caroline Baum認為，八十年代至今，央行透過放鬆銀根政策去對付泡沫爆破；最後一次係納指由2000年3月至2002年10月回落78％，減息至2003年6月1厘後亦回升。呢次樓價回落一樣係採用減息方法，但日本銀行1990年至今已證明甚至減至零利率，仍無法令日本樓價上升，英美會否例外？
好多人近日誇口自己一早預計次按危機出現，而忘記太早睇淡係死罪。2006年年初已睇淡，便錯過去年大牛市帶嚟嘅風光；最叻嘅人喺去年10月先睇淡！同樣理由，太早睇好亦係死罪。我老曹曾喺1974年7月開始睇好，但恒生指數喺1974年12月先見底，太早睇好代價係冇咗當年我老曹80％本金。因此恒指見底回升由得佢，直到第二個底高出第一個底為止（所謂Bottom Up）；恒指見頂亦由得佢，直到第二個頂無法高出第一個頂為止（便叫Top Down）。唔好忘記旺市莫估頂及淡市莫估底嘅格言。
我老曹認為，分析員對明年企業純利展望仍然太樂觀。我老曹估計，明年企業純利較今年大部分係負增長，擔心未來恒指P/E將回落到八倍以下，即唔少股價仲有好大下跌空間。將銀行國有化可阻止存款戶恐慌，但不能阻止英美樓價繼續下沉，搞到D銀行冇息派（呢個係政府注資令銀行股價下跌理由）。
歷史證明政府愈介入經濟，經濟表現會愈差，例如蘇聯1970年計劃經濟；中國1949至78年三十年共產經濟。因為官僚唔按市場規律辦事而浪費珍貴資源，所以先有1978年中國改革開放政策及九十年代蘇聯解體。家吓西方國家官員大量介入金融業，後果會係點？會唔會出現crony capitalism（有權勢嘅資本主義）。不過，錢喺邊度嚟？一、稅收；二、借番嚟。政府用作收購不良資產及注資銀行嘅資金嚟自借貸市場，即資源由自由市場流向有權勢嘅資本家（官員）手中，最終導致資源錯配而壓抑經濟繁榮。有人認為市場失效，官員先介入；事實剛好相反，係官員介入令市場失效。例如「兩房」過去不按經濟規律辦事，2003年6月聯儲局減息至1厘，維持達一年之久，都係官僚令自由市場失效嘅說明，今年入市挽救銀行、情況同九十年代日本相似；美國同歐洲正步日本後塵進入crony capitalism！經過漫長一年跌市後，投資者相信高官先可以重新穩定經濟，雖然真實情況唔係咁；佢地亦相信經濟去槓桿化後，唔會帶嚟更多眼淚；佢地甚至認為，最惡劣日子已過去──例如上周五股市已見底！觀察過日本九十年代表現後，知道上述信念好脆弱。不過，外面係咁冰凍，有時亦只有捐入愛斯基摩人用雪塊砌出嚟嘅小冰屋避寒，雖然明知唔係長久居所。一年前冇人知道天氣可以變得咁嚴寒，令大部分人未有準備寒衣過冬，加上唔少投資者不但失去裇衫，連鞋、襪甚至底褲都冇埋，搞到喺嚴寒中赤裸裸；當見到禾桿草時亦死抓住唔放。
投資者今天睇睇自己嘅投資組合只見一片紅，唔少已冇咗40％市值；面對最近幾天股市反彈曾好高興，好似喺北極見到一點光咁，可惜我地見到嘅可能只係北極光而唔係陽光。
投資唔好靠預測
第一個底由拋空者平倉造成（例如2002年10月美股），日後唔再低過呢個底才確認牛市出現（例如2003年4月）；反之，未來日子如創新低，便代表熊市繼續，反彈只係另一隻熊腳。到底上周五係底定係熊腳？等股市自己話畀大家知。如你一味想摸底，咁又點持盈保泰？我老曹冇水晶球，所以亦唔知幾時見底；只知一浪低於一浪要出貨（Top Down），一浪高於一浪才入貨（Bottom Up）。
預測唔係可靠嘅投資工具（如你預測，遲早出錯），只有嚴守紀律，唔摸頂及唔估底；只有當頭起時入貨，當頭跌時出貨，先係致勝方法。
政府注資銀行只解決Solvency問題，至於Recapitalization問題，就有排先搞得掂。除CDO市場在溶解中，巨大嘅衍生工具市場亦喺度縮細緊，家吓已預告去槓桿化日子完成，早唔早D呀！
Jeremy Grantham係GMO主席，佢認為家吓入市仍太早，因為美股仲未算便宜。
注資不能改變股市走勢
CRB指數（代表十九種原材料）跌幅已達39％，可以媲美2000至01年（跌幅37％）或1997／98年（跌幅28％）。家吓銅價仍較2001年低潮時高出三倍；油價同1998年低位10.35美元距離仲好遠。根據哈佛大學經濟學家Martin Feldstein（佢同時係美國商業周期成員）研究，通常商品價格見底後一年經濟先復甦。換言之，即使CRB指數最近已見底，我地最少仍面對一年衰退期。高盛證券估計，明年鉛價將回落17％及銅價回落12％。UBS估計，鎳價仲有32％及白金50％下跌空間。摩根士丹利估計，明年鉛價將回落20％及鈀金45％。如佢地嘅預測準確，即距離衰退結束期仲遠。股市通常响衰退結束前三至六個月先見底，依家估底係咪太早?!
聯儲局宣布，連同G7將採取一切有需要手段去水浸金融市場。上述行為可能引發股市短期反彈，可唔可以改變股市長期大方向？答案係唔可以。
花旗調低中國境內銀行純利估計，平均達20%至26％，明年再減少22%至28％。內地銀行股前景繼續睇跌，令喺本港上市內地銀行股嘅股價今天跌幅好大。
特首今天認為，呢次全球信貸壓碎，較1997年亞洲金融風暴嚴重，香港已進入不穩定期，並已擔保全港存款安全。過去十二個月全球股市冇咗7萬億美元市值，香港經濟係海島式經濟，無法避免唔受外面因素影響，何況過去港股受流動資金推動而一度升上32000點；去年所產生嘅財富效應及今年財富萎縮，令香港成為世界經濟中最槓桿化嘅地區之一。面對呢種局勢，特區政府可做嘅事好有限，市民只有自求多福。擔心全球經濟陷入衰退，令反彈市好短命，各國政府只係成功制止恐慌，卻未有解決危機。
有人形容依家美國經濟好似剛急救成功嘅病人，雖然已離開深切治療室，但各位唔好希望佢明天可以參加跑步。
紐約大學Nouriel Roubini教授認為，美國將進入四十年內最嚴重一次衰退，估計長達十八至二十四個月，失業率高達9％；未來住宅樓價再下跌15％；次按危機帶嚟約3萬億美元虧損（10月7日IMF估計1.4萬億美元），家吓已公布嘅虧損只有6370億美元。
雷曼兄弟三千五百多名活躍客戶持有450億美元證券，因雷曼兄弟破產，佢地無法操作自己嘅戶口，喺最近一個月跌市中損失慘重，如因此資不抵債，仍需補孖展。佢地可能較雷曼迷你債券苦主更苦，因雷曼兄弟破產而無法止蝕先會變成負資產。
展望未來，英美樓價繼續下跌，以及銀行繼續需尋找新資金注入以提升穩健性。62萬億美元市值嘅CDO市場，已減少至上周五嘅50萬億美元，估計未來仲會繼續減少落去。最終經濟可復甦，問題只係唔知邊一天開始。與1989年六四事件唔同，當年滿街鮮血（政治方面）係入市時機；今年反而係市場好麻煩（Trouble in the market）才令滿街鮮血，不可一概而論。恒生指數由去年10月高峰至今，已大跌超過50％（其中一半由9及10月完成）。1974年嘅教訓係遲入市好過早入市。
雪茄伏認為，政府一連串措施只能穩定金融系統，但無法阻止衰退出現；美國樓價仍在回落，即銀行界虧損仍在擴大。佢唔認為大量注資可引發通脹（喺衰退期通脹唔會出現），反而應擔心我地幾時先可以擺脫衰退。
黑石集團CEO施瓦茨曼認為，銀行恢復健康需時（呢間公司去年6月以31美元上市，最近市價11.54美元），銀行股冇吸引力。
Jeremy Grantham係GMO主席，佢認為家吓入市仍太早，因為美股仲未算便宜。
Caroline Baum認為，八十年代至今，央行透過放鬆銀根政策去對付泡沫爆破；最後一次係納指由2000年3月至2002年10月回落78％，減息至2003年6月1厘後亦回升。呢次樓價回落一樣係採用減息方法，但日本銀行1990年至今已證明甚至減至零利率，仍無法令日本樓價上升，英美會否例外？
好多人近日誇口自己一早預計次按危機出現，而忘記太早睇淡係死罪。2006年年初已睇淡，便錯過去年大牛市帶嚟嘅風光；最叻嘅人喺去年10月先睇淡！同樣理由，太早睇好亦係死罪。我老曹曾喺1974年7月開始睇好，但恒生指數喺1974年12月先見底，太早睇好代價係冇咗當年我老曹80％本金。因此恒指見底回升由得佢，直到第二個底高出第一個底為止（所謂Bottom Up）；恒指見頂亦由得佢，直到第二個頂無法高出第一個頂為止（便叫Top Down）。唔好忘記旺市莫估頂及淡市莫估底嘅格言。
我老曹認為，分析員對明年企業純利展望仍然太樂觀。我老曹估計，明年企業純利較今年大部分係負增長，擔心未來恒指P/E將回落到八倍以下，即唔少股價仲有好大下跌空間。將銀行國有化可阻止存款戶恐慌，但不能阻止英美樓價繼續下沉，搞到D銀行冇息派（呢個係政府注資令銀行股價下跌理由）。
歷史證明政府愈介入經濟，經濟表現會愈差，例如蘇聯1970年計劃經濟；中國1949至78年三十年共產經濟。因為官僚唔按市場規律辦事而浪費珍貴資源，所以先有1978年中國改革開放政策及九十年代蘇聯解體。家吓西方國家官員大量介入金融業，後果會係點？會唔會出現crony capitalism（有權勢嘅資本主義）。不過，錢喺邊度嚟？一、稅收；二、借番嚟。政府用作收購不良資產及注資銀行嘅資金嚟自借貸市場，即資源由自由市場流向有權勢嘅資本家（官員）手中，最終導致資源錯配而壓抑經濟繁榮。有人認為市場失效，官員先介入；事實剛好相反，係官員介入令市場失效。例如「兩房」過去不按經濟規律辦事，2003年6月聯儲局減息至1厘，維持達一年之久，都係官僚令自由市場失效嘅說明，今年入市挽救銀行、情況同九十年代日本相似；美國同歐洲正步日本後塵進入crony capitalism！經過漫長一年跌市後，投資者相信高官先可以重新穩定經濟，雖然真實情況唔係咁；佢地亦相信經濟去槓桿化後，唔會帶嚟更多眼淚；佢地甚至認為，最惡劣日子已過去──例如上周五股市已見底！觀察過日本九十年代表現後，知道上述信念好脆弱。不過，外面係咁冰凍，有時亦只有捐入愛斯基摩人用雪塊砌出嚟嘅小冰屋避寒，雖然明知唔係長久居所。一年前冇人知道天氣可以變得咁嚴寒，令大部分人未有準備寒衣過冬，加上唔少投資者不但失去裇衫，連鞋、襪甚至底褲都冇埋，搞到喺嚴寒中赤裸裸；當見到禾桿草時亦死抓住唔放。
投資者今天睇睇自己嘅投資組合只見一片紅，唔少已冇咗40％市值；面對最近幾天股市反彈曾好高興，好似喺北極見到一點光咁，可惜我地見到嘅可能只係北極光而唔係陽光。
投資唔好靠預測
第一個底由拋空者平倉造成（例如2002年10月美股），日後唔再低過呢個底才確認牛市出現（例如2003年4月）；反之，未來日子如創新低，便代表熊市繼續，反彈只係另一隻熊腳。到底上周五係底定係熊腳？等股市自己話畀大家知。如你一味想摸底，咁又點持盈保泰？我老曹冇水晶球，所以亦唔知幾時見底；只知一浪低於一浪要出貨（Top Down），一浪高於一浪才入貨（Bottom Up）。
預測唔係可靠嘅投資工具（如你預測，遲早出錯），只有嚴守紀律，唔摸頂及唔估底；只有當頭起時入貨，當頭跌時出貨，先係致勝方法。
政府注資銀行只解決Solvency問題，至於Recapitalization問題，就有排先搞得掂。除CDO市場在溶解中，巨大嘅衍生工具市場亦喺度縮細緊，家吓已預告去槓桿化日子完成，早唔早D呀！
Jeremy Grantham係GMO主席，佢認為家吓入市仍太早，因為美股仲未算便宜。
英美同時選擇長痛
英美同時選擇長痛 (曹仁超 2008年10月15日)
微軟創辦人蓋茨10月13日响哈佛商學院百年慶典上話，美國經濟正走向非常嚴重嘅衰退，美國失業率將升至9％以上。過去好多投資者抱住美國經濟永遠強勁嘅憧憬，唔現實咁認為市場可提供較高回報率，而從事高風險槓桿交易，依家紛紛蒙受重大損失。同為哈佛校友嘅通用電氣CEO伊梅爾特指出，金融系統穩定後，美國經濟仲會經歷兩季度負增長。次按貸款所引發嘅危機需要「某種形式嘅糾正」，企業唔會出現大規模瓦解，但經濟會出現下滑。
Dennis Gartman認為，呢次股市反彈維持唔會太耐，建議投資者利用反彈減持。
呢次金融海嘯對金磚四國影響亦幾大，中國股市已大跌，地產價格進入回落期，中國點樣擴大內需？印度零售業早已走下坡，加上過分依賴外資投入，最近印度盧比滙價亦受壓；俄羅斯受油價大跌影響，消費進入萎縮期；巴西係原料出口國，因此亦受影響。至於香港，星展銀行估計今年GDP只升3.8％（前估計4.4％），明年2.7％（前估計4.4％）。中國入口增長率減少，加上來自內地嘅自由行旅客消費增長率下降，香港股樓回落，亦令港人慳住荷包，都將影響明年香港GDP增長率。日本因日圓利率只有半厘，可對付衰退嘅武器冇乜，相信今年第三季已確認衰退。
雪茄伏認為，美國政府有能力阻止panic，卻無能力阻止衰退响明年出現。瑞銀嘅Larry Hatheway同Kenneth Leiw相信，美國及英國正進入深而長嘅衰退，並首次估計歐羅區明年進入溫和衰退；至於日本今年第三季已進入衰退。
1992年8月19日日經平均指數曾由14194點反彈至1993年嘅24000點，其後喺14000至24000點牛皮，2000年終於14000點失守，下跌到2003年4月7600點，才結束日股熊市。後市展望，道指由7880點反彈，情況有如1992年8月日經平均指數，完成反彈後將進入一段十分長日子嘅上落市（日本長達七年），最終7880點失守，才完成整個美股熊市。2007年10月信貸泡沫爆破時，有兩大可能性：一、1929年10月嗰次因政府太遲入市干預，而令股市狂瀉到1932年，此乃華爾街大危機，由1933年起美國股市開始復甦。二、九十年代至2003年4月，日本响政府不斷支持下，令調整時間十分長，痛苦期共十三年。長痛、短痛任擇其一，英、美兩國同時選擇長痛，雖然令股市短期（道指7880點）獲支持反彈，但日後應進入漫長牛皮市。向本土銀行注資嘅行動雖阻止股市恐慌性拋售惡化落去，但唔代表問題解決。
上周五美股VIX升至76（正常情況只有30），代表股市早進入極度恐慌；加上上周五成交達一百一十六億股，大量分析員（包括我老曹）認為股市短期嘅底已搵到。納指由去年10月至上周五跌幅為前升幅（2003年4月起計）嘅76.4％，係Filonacci中表現最弱，代表由2007年11月開始嘅拋售潮已完成，進入Bargain Hunting期。上周五MSCI世界指數平均P/E只有十倍，為1982年以來最便宜；MSCI歐洲平均P/E更只有八倍，係1987年9月以來最低；反之，標普五百P/E仍係十六倍，未算便宜，估計完成上落市後，美股响未來日子仍再跌40％。CDS市場將進一步萎縮，CP（商業票據）市場亦萎縮，甚至信用狀（Letters of Credit）亦受影響，令未來國際貿易量萎縮；再加上日圓利差交易拆倉，未來世界將面對流動性萎縮！危機（Crisis）仍然存在，只係恐慌（Panic）被制止。近日股市雖然反彈，最終將因經濟陷入不景氣而引發另一次拋售潮，到時整個超級大熊市才告完成，時間十分長。
官僚取代自由市場制度
上周五美股低點只係一個中期底部，本周開始大量bargain hunters湧入市場，令本周全球股市大升。各國政府大量動用納稅人嘅錢入股銀行股，呢筆數日後點清還?!這將令明年全球經濟陷入衰退。
踏入二十一世紀，港人已進入Soft Depression期（輕輕的憂鬱）。港人曾面對1997年下半年樓市下跌、2000年科網股泡沫爆破，2007年8月至今又嚟一個次按危機，今年起高消費、高槓桿比率時代結束；甚至係西方領導嘅時代結束，東方正在冒起！未來新世界秩序正在形成！加強監管、控制、干預已成為天公地道嘅事，官僚漸漸取代自由市場制度；喺高官領導下，事情似乎愈搞愈糟。因泡沫由形成到爆破有一定軌迹可尋，過去高官製造次按泡沫，卻唔容許泡沫爆破後遺症出現，可以咩？我地正面對Centralized Manipulation所產生嘅悲劇後果。
T. Boone Pickens响1997年6月離開石油事業，開始自己嘅事業生涯，以朋友嘅3700萬美元資金開始創業，到1998年5月已失去2400萬美元，1999年1月只剩番270萬美元；但到2000年卻升值到25200萬美元，其後一帆風順！佢投資嘅天然氣，不但美國電力公司用作發電，亦有巴士公司用作能源。依家佢改為大量投資水項目，估計未來亦可成功。T. Boone Pickens成功之處係當佢已失去投入本金95%時仍肯捱落去！好多時最黑暗時刻就係光明嘅開始，每一個成功者背後都有一萬個失敗者，成功與失敗往往只差一線，就係喺最困難日子裏你係咪願意繼續捱落去！
微軟創辦人蓋茨10月13日响哈佛商學院百年慶典上話，美國經濟正走向非常嚴重嘅衰退，美國失業率將升至9％以上。過去好多投資者抱住美國經濟永遠強勁嘅憧憬，唔現實咁認為市場可提供較高回報率，而從事高風險槓桿交易，依家紛紛蒙受重大損失。同為哈佛校友嘅通用電氣CEO伊梅爾特指出，金融系統穩定後，美國經濟仲會經歷兩季度負增長。次按貸款所引發嘅危機需要「某種形式嘅糾正」，企業唔會出現大規模瓦解，但經濟會出現下滑。
Dennis Gartman認為，呢次股市反彈維持唔會太耐，建議投資者利用反彈減持。
呢次金融海嘯對金磚四國影響亦幾大，中國股市已大跌，地產價格進入回落期，中國點樣擴大內需？印度零售業早已走下坡，加上過分依賴外資投入，最近印度盧比滙價亦受壓；俄羅斯受油價大跌影響，消費進入萎縮期；巴西係原料出口國，因此亦受影響。至於香港，星展銀行估計今年GDP只升3.8％（前估計4.4％），明年2.7％（前估計4.4％）。中國入口增長率減少，加上來自內地嘅自由行旅客消費增長率下降，香港股樓回落，亦令港人慳住荷包，都將影響明年香港GDP增長率。日本因日圓利率只有半厘，可對付衰退嘅武器冇乜，相信今年第三季已確認衰退。
雪茄伏認為，美國政府有能力阻止panic，卻無能力阻止衰退响明年出現。瑞銀嘅Larry Hatheway同Kenneth Leiw相信，美國及英國正進入深而長嘅衰退，並首次估計歐羅區明年進入溫和衰退；至於日本今年第三季已進入衰退。
1992年8月19日日經平均指數曾由14194點反彈至1993年嘅24000點，其後喺14000至24000點牛皮，2000年終於14000點失守，下跌到2003年4月7600點，才結束日股熊市。後市展望，道指由7880點反彈，情況有如1992年8月日經平均指數，完成反彈後將進入一段十分長日子嘅上落市（日本長達七年），最終7880點失守，才完成整個美股熊市。2007年10月信貸泡沫爆破時，有兩大可能性：一、1929年10月嗰次因政府太遲入市干預，而令股市狂瀉到1932年，此乃華爾街大危機，由1933年起美國股市開始復甦。二、九十年代至2003年4月，日本响政府不斷支持下，令調整時間十分長，痛苦期共十三年。長痛、短痛任擇其一，英、美兩國同時選擇長痛，雖然令股市短期（道指7880點）獲支持反彈，但日後應進入漫長牛皮市。向本土銀行注資嘅行動雖阻止股市恐慌性拋售惡化落去，但唔代表問題解決。
上周五美股VIX升至76（正常情況只有30），代表股市早進入極度恐慌；加上上周五成交達一百一十六億股，大量分析員（包括我老曹）認為股市短期嘅底已搵到。納指由去年10月至上周五跌幅為前升幅（2003年4月起計）嘅76.4％，係Filonacci中表現最弱，代表由2007年11月開始嘅拋售潮已完成，進入Bargain Hunting期。上周五MSCI世界指數平均P/E只有十倍，為1982年以來最便宜；MSCI歐洲平均P/E更只有八倍，係1987年9月以來最低；反之，標普五百P/E仍係十六倍，未算便宜，估計完成上落市後，美股响未來日子仍再跌40％。CDS市場將進一步萎縮，CP（商業票據）市場亦萎縮，甚至信用狀（Letters of Credit）亦受影響，令未來國際貿易量萎縮；再加上日圓利差交易拆倉，未來世界將面對流動性萎縮！危機（Crisis）仍然存在，只係恐慌（Panic）被制止。近日股市雖然反彈，最終將因經濟陷入不景氣而引發另一次拋售潮，到時整個超級大熊市才告完成，時間十分長。
官僚取代自由市場制度
上周五美股低點只係一個中期底部，本周開始大量bargain hunters湧入市場，令本周全球股市大升。各國政府大量動用納稅人嘅錢入股銀行股，呢筆數日後點清還?!這將令明年全球經濟陷入衰退。
踏入二十一世紀，港人已進入Soft Depression期（輕輕的憂鬱）。港人曾面對1997年下半年樓市下跌、2000年科網股泡沫爆破，2007年8月至今又嚟一個次按危機，今年起高消費、高槓桿比率時代結束；甚至係西方領導嘅時代結束，東方正在冒起！未來新世界秩序正在形成！加強監管、控制、干預已成為天公地道嘅事，官僚漸漸取代自由市場制度；喺高官領導下，事情似乎愈搞愈糟。因泡沫由形成到爆破有一定軌迹可尋，過去高官製造次按泡沫，卻唔容許泡沫爆破後遺症出現，可以咩？我地正面對Centralized Manipulation所產生嘅悲劇後果。
T. Boone Pickens响1997年6月離開石油事業，開始自己嘅事業生涯，以朋友嘅3700萬美元資金開始創業，到1998年5月已失去2400萬美元，1999年1月只剩番270萬美元；但到2000年卻升值到25200萬美元，其後一帆風順！佢投資嘅天然氣，不但美國電力公司用作發電，亦有巴士公司用作能源。依家佢改為大量投資水項目，估計未來亦可成功。T. Boone Pickens成功之處係當佢已失去投入本金95%時仍肯捱落去！好多時最黑暗時刻就係光明嘅開始，每一個成功者背後都有一萬個失敗者，成功與失敗往往只差一線，就係喺最困難日子裏你係咪願意繼續捱落去！
2008年10月15日星期三
冇經濟理論救到次按
冇經濟理論救到次按 (曹仁超 2008年10月14日)
上周係最惡劣嘅一周，昨天投資者貪念又再戰勝咗恐懼，令恒生指數一天之內上升1515.29，收16312.16，成交725.8億元。估計係拋空者平倉，形成熊市二期內另一隻腳。以P/E計，恒指平均P/E一旦跌至八至十二倍便是熊市三期（最低P/E係1974年12月六倍）。上周P/E最低見八點八倍，點解我老曹仍認為係熊市二期而唔係三期？理由係擔心銀行股非利息收入利潤（佔總利潤30％或以上）喺未來三年將大減，因銀行推銷金融產品時嘅困難大幅上升，令未來三年銀行純利如唔係倒退就係停滯不前。地產方面，物業重估利潤大幅倒退或唔存在，呢方面佔地產股40％以上純利，擔心今後三年亦唔存在。把上述因素計算，今天P/E八點八倍相等於過去恒指P/E十二倍。
Thomson路透估計，第四季全球GDP出現負增長，明年第四季低增長。估計失業率最高潮喺明年8月，全球失業率可達7％。
信任（Trust）一旦破產，重建需時。到底幾時投資界先可以重返去年10月嘅信心？
經過1982至2007年長達二十五年嘅信貸膨脹期，2006年起樓價下跌造成貸款者損失，令金融機構資本充足比率不足；加上國際會計制度收緊，資產價值必須按市價入賬，令各金融機構出現資本充足比率不足，必須集資去增大資本，因而引發信貸壓碎（Credit Crunch）。各金融機構被迫賤賣資產去增大資本，因而引發金融危機。資產泡沫爆破及金融市場產生黑洞，吞食所有投入嘅資金，令貝爾斯登及美林被接管；雷曼兄弟破產；AIG無力履行擔保CDO責任及「兩房」被託管，情況好似愛麗斯夢遊仙境，她一旦走進白兔嘅洞內，便返唔到出嚟，全球進入大蕭條以嚟最大一次金融危機。主流經濟理論進入白兔洞內，任何通脹目標（Inflation Targeting）或價值投資法均冇用，令貝南奇變成傻佬一名，呆若木雞不知所措；保爾森則喺度扮演幪面超人，可惜災場太大，救得呢個救唔到嗰個。因為格蛇時代將信貸膨脹呢個波吹得太大，所謂Greenspan Put（每次出現危機，格蛇都放寬銀根，冇耐之後危機便消失），令市場忘記紀律。四分一世紀金融市場過分自由化，家吓面臨縮細（downsizing）、理性化（rationalization）及重新納入監管（re-regulation），一切將屬過去嘅反轉。市場進入熊彼得理論（創造中嘅破壞），舊理論、舊方法及舊方式已冇用，但新理論、新方法及新方式又未出現，過去因信貸膨脹而創造出嚟嘅經濟繁榮已受到無情破壞，信貸收縮喺度引發通縮（而唔係通脹）。
A股步入冰河時期
中國GDP最終能否逃過1992年後台灣嘅命運或1997年後東南亞國家嘅命運，保持上行增長？明年就有答案。中國加入WTO後，中國企業受到全球化衝擊已唔可以獨善其身，既受世界經濟上升周期帶動而上升，同時亦因世界經濟陷入衰退而大受影響。法興分析員Albert Edwards 9月份估計股市將溶解，家吓更估計步入冰河時期。依家只係冷風（Chill），仍未降霜（Frost）；The Daily Reckoning認為，過去一年係流動性資金問題（Liquidity），未來一年係清盤問題（Liquidation）。今年已冇人歡迎財務顧問，只希望趕走佢地（聽講部分財務顧問已畀人喊打）。
南非蘭特出現七年內最大跌幅（9.8％），見9.4127兌1美元，因為連金價亦暴跌。七十歲嘅老資格投資者Jeremy Grantham（管理1200億美元資產）叫各位忘記通脹，因全球經濟在萎縮中。依家美股股價雖已進入合理水平，估計未來將出現偏低20％；商品價格雖長線睇好，但短期睇淡。
上周係最惡劣嘅一周，昨天投資者貪念又再戰勝咗恐懼，令恒生指數一天之內上升1515.29，收16312.16，成交725.8億元。估計係拋空者平倉，形成熊市二期內另一隻腳。以P/E計，恒指平均P/E一旦跌至八至十二倍便是熊市三期（最低P/E係1974年12月六倍）。上周P/E最低見八點八倍，點解我老曹仍認為係熊市二期而唔係三期？理由係擔心銀行股非利息收入利潤（佔總利潤30％或以上）喺未來三年將大減，因銀行推銷金融產品時嘅困難大幅上升，令未來三年銀行純利如唔係倒退就係停滯不前。地產方面，物業重估利潤大幅倒退或唔存在，呢方面佔地產股40％以上純利，擔心今後三年亦唔存在。把上述因素計算，今天P/E八點八倍相等於過去恒指P/E十二倍。
Thomson路透估計，第四季全球GDP出現負增長，明年第四季低增長。估計失業率最高潮喺明年8月，全球失業率可達7％。
信任（Trust）一旦破產，重建需時。到底幾時投資界先可以重返去年10月嘅信心？
經過1982至2007年長達二十五年嘅信貸膨脹期，2006年起樓價下跌造成貸款者損失，令金融機構資本充足比率不足；加上國際會計制度收緊，資產價值必須按市價入賬，令各金融機構出現資本充足比率不足，必須集資去增大資本，因而引發信貸壓碎（Credit Crunch）。各金融機構被迫賤賣資產去增大資本，因而引發金融危機。資產泡沫爆破及金融市場產生黑洞，吞食所有投入嘅資金，令貝爾斯登及美林被接管；雷曼兄弟破產；AIG無力履行擔保CDO責任及「兩房」被託管，情況好似愛麗斯夢遊仙境，她一旦走進白兔嘅洞內，便返唔到出嚟，全球進入大蕭條以嚟最大一次金融危機。主流經濟理論進入白兔洞內，任何通脹目標（Inflation Targeting）或價值投資法均冇用，令貝南奇變成傻佬一名，呆若木雞不知所措；保爾森則喺度扮演幪面超人，可惜災場太大，救得呢個救唔到嗰個。因為格蛇時代將信貸膨脹呢個波吹得太大，所謂Greenspan Put（每次出現危機，格蛇都放寬銀根，冇耐之後危機便消失），令市場忘記紀律。四分一世紀金融市場過分自由化，家吓面臨縮細（downsizing）、理性化（rationalization）及重新納入監管（re-regulation），一切將屬過去嘅反轉。市場進入熊彼得理論（創造中嘅破壞），舊理論、舊方法及舊方式已冇用，但新理論、新方法及新方式又未出現，過去因信貸膨脹而創造出嚟嘅經濟繁榮已受到無情破壞，信貸收縮喺度引發通縮（而唔係通脹）。
A股步入冰河時期
中國GDP最終能否逃過1992年後台灣嘅命運或1997年後東南亞國家嘅命運，保持上行增長？明年就有答案。中國加入WTO後，中國企業受到全球化衝擊已唔可以獨善其身，既受世界經濟上升周期帶動而上升，同時亦因世界經濟陷入衰退而大受影響。法興分析員Albert Edwards 9月份估計股市將溶解，家吓更估計步入冰河時期。依家只係冷風（Chill），仍未降霜（Frost）；The Daily Reckoning認為，過去一年係流動性資金問題（Liquidity），未來一年係清盤問題（Liquidation）。今年已冇人歡迎財務顧問，只希望趕走佢地（聽講部分財務顧問已畀人喊打）。
南非蘭特出現七年內最大跌幅（9.8％），見9.4127兌1美元，因為連金價亦暴跌。七十歲嘅老資格投資者Jeremy Grantham（管理1200億美元資產）叫各位忘記通脹，因全球經濟在萎縮中。依家美股股價雖已進入合理水平，估計未來將出現偏低20％；商品價格雖長線睇好，但短期睇淡。
熊市中三個建議
熊市中三個建議 (曹仁超 2008年10月13日)
10月12日，周日。過去一年證明追隨趨勢大勝價值投資法。喺股市中賺錢或蝕本最重要係Timing，而唔係評估股值有幾多？幾時買入及賣出較該股值幾多錢更重要。各位忘記咗英隆事件咩？喺泡沫期，英隆價值一再上升；一旦泡沫爆破，英隆可以一文不值。入市首辨大市方向，例如到底係Top Down定係Bottom Up！2003年4月開始Bottom Up，到咗去年10月結束，然後進入Top Down期。今年3月入市博反彈，如忘記Sell in May亦幾麻煩！恒指14000點係另一個良好博反彈期，但熊市有排未完。Bargain Hunting（趁低吸納）係極之專業行為，要有森池兄智慧先得。如你只係一般散戶，最好採用小心駛得萬年船策略，只動用本金30％去玩吓。喺熊市中保本為上、賺錢次要，因次按風暴仍未過去，家吓壞賬率已高達23％（2001年8％；上述資料嚟自雅虎新聞）。甚至摩通CEO戴蒙對前景仲係悲觀，認為未來大趨勢係向下，反彈只係微波（Curve）。
要有捨得思想
道指喺2002年10月10日見7197.49，上升至9000點然後再回落到2003年3月12日7416.64才孕育牛市；今年10月10日道指見7882點後，可唔可以同樣孕育牛市？面對道指7800點，我地可以做乜？我老曹冇水晶球，但建議如下：一、如去年10月前你已賣出全部股票，依家不妨將30％資金重投股市；二、如你早已將30％資金投入股市，睇嚟除咗觀望外，可以做嘢已唔多，不如拉將凳仔坐定定睇「投資者日記」啦。當市場出現恐慌性拋售，理性分析如孤兒（冇人理）咁可憐。你可以話個市癲咗，但1974年7月至12月我老曹理性分析曾面對冷漠，從此我老曹學到一件事——喺熊市中最大責任係保本。一如太陽陳指出，喺熊市中最好100％現金，然後做空軍（我老曹做唔到，因為仲有感情包袱）；三、喺熊市中希望係最差投資策略，例如希望大市反彈後才減持，希望嗰樣或呢樣。喺熊市中應有佛家思想——捨得。請放棄紅塵、遁迹空門。就算唔做空門弟子亦要戒貪、嗔及癡。
喺熊市中，入市容易離市難。控制你可控制事，例如止蝕唔止賺及溝上唔溝落；管理你不能控制事。熊市當前，只有Cover Up或Take Shelter。唔好畀Wishful Thinking左右你投資分析，例如今年3月入市博反彈，到5月冇及時離開英雄，家吓已去咗浩園！恒指14000點做唔做救火隊？睇你有冇水而定（水頭充足者無妨，唔係就咪搞）。投資者有種特性叫做齊齊攬住死，死咗罷就，止蝕則死都唔制。恒指喺14000點反彈，恐怕亦係小飛俠式反彈（高極有限）。
全球金融市場面對兩大壓力：一、缺乏短期資金（依家主要依賴各國央行提供）；二、去槓桿化。
10月12日，周日。過去一年證明追隨趨勢大勝價值投資法。喺股市中賺錢或蝕本最重要係Timing，而唔係評估股值有幾多？幾時買入及賣出較該股值幾多錢更重要。各位忘記咗英隆事件咩？喺泡沫期，英隆價值一再上升；一旦泡沫爆破，英隆可以一文不值。入市首辨大市方向，例如到底係Top Down定係Bottom Up！2003年4月開始Bottom Up，到咗去年10月結束，然後進入Top Down期。今年3月入市博反彈，如忘記Sell in May亦幾麻煩！恒指14000點係另一個良好博反彈期，但熊市有排未完。Bargain Hunting（趁低吸納）係極之專業行為，要有森池兄智慧先得。如你只係一般散戶，最好採用小心駛得萬年船策略，只動用本金30％去玩吓。喺熊市中保本為上、賺錢次要，因次按風暴仍未過去，家吓壞賬率已高達23％（2001年8％；上述資料嚟自雅虎新聞）。甚至摩通CEO戴蒙對前景仲係悲觀，認為未來大趨勢係向下，反彈只係微波（Curve）。
要有捨得思想
道指喺2002年10月10日見7197.49，上升至9000點然後再回落到2003年3月12日7416.64才孕育牛市；今年10月10日道指見7882點後，可唔可以同樣孕育牛市？面對道指7800點，我地可以做乜？我老曹冇水晶球，但建議如下：一、如去年10月前你已賣出全部股票，依家不妨將30％資金重投股市；二、如你早已將30％資金投入股市，睇嚟除咗觀望外，可以做嘢已唔多，不如拉將凳仔坐定定睇「投資者日記」啦。當市場出現恐慌性拋售，理性分析如孤兒（冇人理）咁可憐。你可以話個市癲咗，但1974年7月至12月我老曹理性分析曾面對冷漠，從此我老曹學到一件事——喺熊市中最大責任係保本。一如太陽陳指出，喺熊市中最好100％現金，然後做空軍（我老曹做唔到，因為仲有感情包袱）；三、喺熊市中希望係最差投資策略，例如希望大市反彈後才減持，希望嗰樣或呢樣。喺熊市中應有佛家思想——捨得。請放棄紅塵、遁迹空門。就算唔做空門弟子亦要戒貪、嗔及癡。
喺熊市中，入市容易離市難。控制你可控制事，例如止蝕唔止賺及溝上唔溝落；管理你不能控制事。熊市當前，只有Cover Up或Take Shelter。唔好畀Wishful Thinking左右你投資分析，例如今年3月入市博反彈，到5月冇及時離開英雄，家吓已去咗浩園！恒指14000點做唔做救火隊？睇你有冇水而定（水頭充足者無妨，唔係就咪搞）。投資者有種特性叫做齊齊攬住死，死咗罷就，止蝕則死都唔制。恒指喺14000點反彈，恐怕亦係小飛俠式反彈（高極有限）。
全球金融市場面對兩大壓力：一、缺乏短期資金（依家主要依賴各國央行提供）；二、去槓桿化。
2008年10月11日星期六
熊市只完成三分一
萬四漸見支持 (2008年10月11日 曹仁超)
今年3月貝爾斯登被300億美元收購後，股市出現反彈，但只維持八星期；7月份「兩房」被託管，股市反彈四星期；但到雷曼兄弟破產、AIG被接管，即使推出7000億美元挽救計劃，股市亦反彈乏力，因為信心已崩潰！就算10月6日七國聯手減息，亦只有小部分地區股市反彈。依家股市肯定超賣（但超賣唔係睇好嘅理由），因為我地正面對一個系統性崩潰及環球性衰退，將會大大改變家吓嘅經濟政策及領導權（例如日本估計未來將出現三分天下，即由美國、歐盟及中國取代美國一國獨大）。
一如今年2月Nouriel Roubini教授估計，金融系統進入分十二階段嘅溶解期，依家完成第九階段（影子銀行系統出大問題），進入第十階段（股市狂瀉反映全球面對大衰退）；第十一階段係資金乾涸，衍生市場成交銳減，令銀行同業拆息高企，大量企業倒閉，相信今年12月至明年1月發生；最後引發賤賣資產、信貸收縮，令市價較基本價值還便宜，大量margin call出現，以及大量企業被金融機構切斷「信貸線」（企業根本上借唔到蚊年），整個金融系統溶解期才完成。社會進入銀行唔信企業拒絕貸款期；企業為本身「有毒投資」作大幅撥備……至此，經濟進入低潮，然後有問題銀行合併或被收購，無問題嘅銀行增加資本，另一經濟上升期又開始。
美元利率去年9月開始回落；太陽去年10月開始從華爾街回落。呢回唔係《日落巴黎》（戲名），而係「日落紐約」，擔心下一步係日落倫敦甚至香港，因為近幾十年無論紐約、倫敦及香港經濟皆過分向房地產、商品期貨及金融業傾斜，當地產，金融、商品期貨同時爆煲下，自然出現日落，一如2000年科網股泡沫後硅谷出現下沉嘅道理一樣。呢次歐洲央行減息，係2001年9月11日以來首次。
各位要記住以下三招：一、追隨市場趨勢，學習Top down及Bottom up技巧，當股市向下時，努力減少虧損及增加手上現金。二、急急止蝕，任何時間如回落15％必須考慮止蝕，如回落20％便唔使再問理由止蝕（有人用5％及10％止蝕，我老曹唔同意，因為太敏感好易震出）。三、反彈如小於15％可以不理。上述三招已可保閣下平安。
當惡性拋售完畢，基金經理會自分辨邊D企業純利係十分脆弱（例如銀行業內嘅非利息收入、地產股中來自物業重估、公司投資嘅股票收益等等）。反之，如果企業純利十分鞏固，甚至响衰退期一樣可以存在，日後呢類股份嘅股價自然可以反彈。
揸100%現金做空軍有心理包袱
太陽陳來電批評我老曹過去嘅「三七分」策略。既然確認係熊市，點解仲揸住30％股票而唔做「空軍」？响邏輯思維上，太陽陳嘅批評絕對正確，但感情方面人人有包袱，揸100％現金然後做空軍，又有幾多人可做到？我老曹接納太陽陳嘅批評，但唔會改變依家嘅「三七分」策略（事實上家吓已變成八二分，因去年10月份30％資金購入嘅股票依家已跌咗40％，變成只佔全部資金20％）；至於做空軍係極之專業嘅行為，相信好少散戶可以過心理呢一關。
各國向金融系統注資令貨幣供應上升，點解我老曹卻睇通縮？因為貨幣流速（L Velocity）响度減慢。即貨幣由甲轉到乙、再由乙轉到丙嘅速度放緩，呢種影響力更大於貨幣供應上升。情況有如退潮令近岸嘅船隻大部分擱淺（海水冇減少，只係流走咗）。去年11月起我地面對流動性資金退潮，情況同2001至07年初相反，當年喺漲潮下，百物遲早升值。
英國人响Icesave Internet bank有三十幾萬個戶口，英國政府為上述戶口提供5萬英鎊保證，因此英國政府打算控告冰島政府，要求賠償損失！冰島四大銀行外債超過1000億美元，冰島一年GDP只有140億美元，過去依賴外債去維持每年GDP 5％增長。而冰島政府外滙儲備少於30億美元，擔心冰島政府將成為首個破產嘅政府（各位唔好以為政府就唔會破產！）。
以大型頭肩頂結束美國光榮歷史
信貸危機至今只出現十四個月，而股市只下跌十二個月，標普五百跌幅已達38％（戰後平均熊市跌幅31％），1973至74年跌幅為48％，2000至02年跌幅為49％。未來下跌空間仲有幾多？有一百五十八年歷史嘅雷曼亦破產，全國最大證券公司美林則被美國銀行收購，全球最大保險集團AIG要政府注資，仲有乜嘢衰嘢未浮現？美股由2000年起正形成一個大型「頭肩頂」，估計喺7500至8000點附近獲支持，然後再形成右肩，去結束美國過去一百年嘅光榮歷史（一如第一次世界大戰前結束英國嘅光榮歷史一樣）。未來世界唔再係一國獨大，而係鼎足而立（美國、歐洲同中國）。喺美國，投資股票及物業可發達嘅最後一次由1982年開始、2007年結束共二十五年，未來一如1990年後日本走下坡。過去一年如你冇Take shelter或Cover up，今天又可以怪邊個?!過去一年唔少藍籌股跌幅由30％到60％不等。展望2009年我地將進入衰退期，呢次衰退期有幾耐？冇人事前可知道（日本1990年嗰次係十三年、香港1997年嗰次係六年）。
美股連跌七個交易天，對標普五百而言係1996年以來跌幅最大、為時最長嘅下跌日子，金融股已跌至近十二年低位！財長保爾森更警告會有更多銀行破產！取消裸空後，周四美股又再狂瀉，股市漸漸進入非理性拋售，係咪接近底部？讓市場自己話你知。經過呢輪惡性拋售後，投資者元氣大傷，日後復甦需時。
美國陷衰退機會近九成
經濟分析員認為，美國將陷入衰退，BNP百利達分析員Brian Fabbri認為，「We're in the middle of a very dark tunnel, each day we see another crack in the system!」五十二位分析員估計，2008年第四季及2009年第一季美國GDP將出現負增長，未來十二個月出現衰退機會高達89％（上月調查認為只有60％）。下屆總統1月上任首要任務係刺激經濟，如奧巴馬獲選，將採用高稅政策去支持政府開支，形成明年上半年經濟仍受打擊，屆時才係股市低潮。
High Frequency Economics主要分析員Carl Weinberg接受彭博訪問時話，面對美國經濟即將陷入衰退，貝南奇手上嘅武器就係減息及向銀行系統注入資金。標普五百指數由去年10月至今跌幅已達38％、道指跌幅已超過30％。減息半厘後，貝南奇仲可以從佢嘅帽中拎出幾多隻小白兔？Discover Financial Services每月向超過一萬五千位成年人調查佢地嘅消費習慣，發現9月份消費者開支指數較8月份下降2.2％，5.5％受訪者認為今年9月較去年9月更差。沃爾瑪公布9月份銷售只較去年同期升2.4％；中價零售商J.C. Penney公布9月份銷售較去年同期減少12.4％。
美負資產家庭或倍增
The Boom Years Are Over！股票市場十二個月前已見頂，美國零售業今年第三季銷售才減少，理由係美國人响股票市場失去接近5萬億美元市值，再加上物業市場跌價。《華爾街日報》估計，依家每六個物業擁有者中有一個係負資產！美國約有七千五百五十萬個家庭擁有自住物業，即家吓約有一千二百萬個家庭陷入負資產狀況，而樓價仍繼續回落。由於過去八年美國人收入並冇上升，理論上樓價亦不應上升，但事實並非如此，理由係利率下降加上信貸寬鬆，所以樓價2002年起一直上升，雖然2006年第三季開始回落，但仍較2000年高出20％。穆廸嘅Economy.com估計，如樓價重返2000年水平，美國物業擁有家庭三個中將有一個係負資產！
忽然之間，美國證監會認為自己應該做D嘢嘅，所以決定阻止別人裸空，令對沖基金經理急急平倉，股市喺7月份反彈。平倉後基金只有拋售所持優質股（因為不能透過拋空低質股去對沖），結果8月份股市又回落。9月份投資者認為既然對沖基金亦唔准拋空，點解仲要揸對沖基金？引發咗9月份新一輪拋售期。今天美國證監唔准裸空嘅行為取消，不但未能阻止股市下跌，反而進一步推跌股市。拋空喺美國一向合法，忽然之間變成唔合法；至今人人莫名其土地堂？John K. Galbraith响佢嘅The Great Crash, 1929中咁樣描述：响跌市中總要搵D代罪羔羊，拋空者就因此成為被指摘對象。
兩位UCLA經濟學家研究指出，1929年後美國衰退期長達十五年（日本1990年起股市回落期共十三年）2007年11月起嘅美國衰退期又點？UCLA經濟系副主席擔心美國呢次衰退會否長達十至十五年？
2008年歡迎大家進入「梅菲」市場。梅菲博士認為，「anything that can go wrong, will go wrong.」（任何事物可能出錯者，最後都會出錯）。2007年11月起股市有如拿破崙從莫斯科撤退，沿途受到俄羅斯軍隊攻擊，愈來愈多人希望退出股市，令任何一次反彈都唔長久。唔少人希望自己今年Sell in May（如去年10月冇出貨嘅話），可惜時光不能倒流。
熊市只完成三分一
Bert Dohmen係美國知名嘅股市評論員，去年寫咗一本書叫Prelude to Melt down，預測全球金融業解體……今天嘅情況一如佢估計。我老曹認識Bert Dohmen已係1990年嘅事，1989年六四事件後，呢位鬼佬居然响1990年去北京旅行睇睇中國情況，順道經香港。响朋友介紹下，我老曹充當佢嘅嚮導，帶佢欣賞香港夜景，佢太太係西班牙人。我老曹招呼佢兩個到香港知名西班牙餐廳Amigo，而且談笑甚歡，大家不約而同睇好中國同香港經濟前景（1990年嗰年唔少人睇淡），我老曹亦因此成為佢嘅投資通訊嘅讀者。1997年亞洲金融風暴，我老曹亦將香港嘅情況講佢知，協助佢了解香港嘅情況，並進一步增加彼此了解。
十五個月前Bert Dohmen寫咗一篇「don't listen to all the Pied Pipers of Wall Street」（唔好再聽信華爾街大行嘅吹笛人），我老曹亦有同感，去年8月起我老曹亦响香港叫大家小心！佢從事分析業三十一年（我老曹比佢老資格少少，共四十年）。我老曹今年放假前，曾問佢對後市點睇？佢話：「It's only the 3rd inning.」（如你有玩美式棒球，便知道一場賽事共有九個inning），即家吓只係第三局，熊市只完成三分之一。
Bert Dohmen今年聲名大噪，你經常可以喺CNBC、Neil Cavuto Show、Louis Rukeyser's Wall Street Week及CNN Moneyline睇到佢。佢接受華爾街及商業周刊等訪問時風頭幾勁，唔知有冇忘記我老曹呢位喺1990年認識嘅香港朋友，以及當年曾請佢飲嘅紅酒（當年賣6000港元一枝，然今時今日幾萬蚊都買唔到也）。
今年3月貝爾斯登被300億美元收購後，股市出現反彈，但只維持八星期；7月份「兩房」被託管，股市反彈四星期；但到雷曼兄弟破產、AIG被接管，即使推出7000億美元挽救計劃，股市亦反彈乏力，因為信心已崩潰！就算10月6日七國聯手減息，亦只有小部分地區股市反彈。依家股市肯定超賣（但超賣唔係睇好嘅理由），因為我地正面對一個系統性崩潰及環球性衰退，將會大大改變家吓嘅經濟政策及領導權（例如日本估計未來將出現三分天下，即由美國、歐盟及中國取代美國一國獨大）。
一如今年2月Nouriel Roubini教授估計，金融系統進入分十二階段嘅溶解期，依家完成第九階段（影子銀行系統出大問題），進入第十階段（股市狂瀉反映全球面對大衰退）；第十一階段係資金乾涸，衍生市場成交銳減，令銀行同業拆息高企，大量企業倒閉，相信今年12月至明年1月發生；最後引發賤賣資產、信貸收縮，令市價較基本價值還便宜，大量margin call出現，以及大量企業被金融機構切斷「信貸線」（企業根本上借唔到蚊年），整個金融系統溶解期才完成。社會進入銀行唔信企業拒絕貸款期；企業為本身「有毒投資」作大幅撥備……至此，經濟進入低潮，然後有問題銀行合併或被收購，無問題嘅銀行增加資本，另一經濟上升期又開始。
美元利率去年9月開始回落；太陽去年10月開始從華爾街回落。呢回唔係《日落巴黎》（戲名），而係「日落紐約」，擔心下一步係日落倫敦甚至香港，因為近幾十年無論紐約、倫敦及香港經濟皆過分向房地產、商品期貨及金融業傾斜，當地產，金融、商品期貨同時爆煲下，自然出現日落，一如2000年科網股泡沫後硅谷出現下沉嘅道理一樣。呢次歐洲央行減息，係2001年9月11日以來首次。
各位要記住以下三招：一、追隨市場趨勢，學習Top down及Bottom up技巧，當股市向下時，努力減少虧損及增加手上現金。二、急急止蝕，任何時間如回落15％必須考慮止蝕，如回落20％便唔使再問理由止蝕（有人用5％及10％止蝕，我老曹唔同意，因為太敏感好易震出）。三、反彈如小於15％可以不理。上述三招已可保閣下平安。
當惡性拋售完畢，基金經理會自分辨邊D企業純利係十分脆弱（例如銀行業內嘅非利息收入、地產股中來自物業重估、公司投資嘅股票收益等等）。反之，如果企業純利十分鞏固，甚至响衰退期一樣可以存在，日後呢類股份嘅股價自然可以反彈。
揸100%現金做空軍有心理包袱
太陽陳來電批評我老曹過去嘅「三七分」策略。既然確認係熊市，點解仲揸住30％股票而唔做「空軍」？响邏輯思維上，太陽陳嘅批評絕對正確，但感情方面人人有包袱，揸100％現金然後做空軍，又有幾多人可做到？我老曹接納太陽陳嘅批評，但唔會改變依家嘅「三七分」策略（事實上家吓已變成八二分，因去年10月份30％資金購入嘅股票依家已跌咗40％，變成只佔全部資金20％）；至於做空軍係極之專業嘅行為，相信好少散戶可以過心理呢一關。
各國向金融系統注資令貨幣供應上升，點解我老曹卻睇通縮？因為貨幣流速（L Velocity）响度減慢。即貨幣由甲轉到乙、再由乙轉到丙嘅速度放緩，呢種影響力更大於貨幣供應上升。情況有如退潮令近岸嘅船隻大部分擱淺（海水冇減少，只係流走咗）。去年11月起我地面對流動性資金退潮，情況同2001至07年初相反，當年喺漲潮下，百物遲早升值。
英國人响Icesave Internet bank有三十幾萬個戶口，英國政府為上述戶口提供5萬英鎊保證，因此英國政府打算控告冰島政府，要求賠償損失！冰島四大銀行外債超過1000億美元，冰島一年GDP只有140億美元，過去依賴外債去維持每年GDP 5％增長。而冰島政府外滙儲備少於30億美元，擔心冰島政府將成為首個破產嘅政府（各位唔好以為政府就唔會破產！）。
以大型頭肩頂結束美國光榮歷史
信貸危機至今只出現十四個月，而股市只下跌十二個月，標普五百跌幅已達38％（戰後平均熊市跌幅31％），1973至74年跌幅為48％，2000至02年跌幅為49％。未來下跌空間仲有幾多？有一百五十八年歷史嘅雷曼亦破產，全國最大證券公司美林則被美國銀行收購，全球最大保險集團AIG要政府注資，仲有乜嘢衰嘢未浮現？美股由2000年起正形成一個大型「頭肩頂」，估計喺7500至8000點附近獲支持，然後再形成右肩，去結束美國過去一百年嘅光榮歷史（一如第一次世界大戰前結束英國嘅光榮歷史一樣）。未來世界唔再係一國獨大，而係鼎足而立（美國、歐洲同中國）。喺美國，投資股票及物業可發達嘅最後一次由1982年開始、2007年結束共二十五年，未來一如1990年後日本走下坡。過去一年如你冇Take shelter或Cover up，今天又可以怪邊個?!過去一年唔少藍籌股跌幅由30％到60％不等。展望2009年我地將進入衰退期，呢次衰退期有幾耐？冇人事前可知道（日本1990年嗰次係十三年、香港1997年嗰次係六年）。
美股連跌七個交易天，對標普五百而言係1996年以來跌幅最大、為時最長嘅下跌日子，金融股已跌至近十二年低位！財長保爾森更警告會有更多銀行破產！取消裸空後，周四美股又再狂瀉，股市漸漸進入非理性拋售，係咪接近底部？讓市場自己話你知。經過呢輪惡性拋售後，投資者元氣大傷，日後復甦需時。
美國陷衰退機會近九成
經濟分析員認為，美國將陷入衰退，BNP百利達分析員Brian Fabbri認為，「We're in the middle of a very dark tunnel, each day we see another crack in the system!」五十二位分析員估計，2008年第四季及2009年第一季美國GDP將出現負增長，未來十二個月出現衰退機會高達89％（上月調查認為只有60％）。下屆總統1月上任首要任務係刺激經濟，如奧巴馬獲選，將採用高稅政策去支持政府開支，形成明年上半年經濟仍受打擊，屆時才係股市低潮。
High Frequency Economics主要分析員Carl Weinberg接受彭博訪問時話，面對美國經濟即將陷入衰退，貝南奇手上嘅武器就係減息及向銀行系統注入資金。標普五百指數由去年10月至今跌幅已達38％、道指跌幅已超過30％。減息半厘後，貝南奇仲可以從佢嘅帽中拎出幾多隻小白兔？Discover Financial Services每月向超過一萬五千位成年人調查佢地嘅消費習慣，發現9月份消費者開支指數較8月份下降2.2％，5.5％受訪者認為今年9月較去年9月更差。沃爾瑪公布9月份銷售只較去年同期升2.4％；中價零售商J.C. Penney公布9月份銷售較去年同期減少12.4％。
美負資產家庭或倍增
The Boom Years Are Over！股票市場十二個月前已見頂，美國零售業今年第三季銷售才減少，理由係美國人响股票市場失去接近5萬億美元市值，再加上物業市場跌價。《華爾街日報》估計，依家每六個物業擁有者中有一個係負資產！美國約有七千五百五十萬個家庭擁有自住物業，即家吓約有一千二百萬個家庭陷入負資產狀況，而樓價仍繼續回落。由於過去八年美國人收入並冇上升，理論上樓價亦不應上升，但事實並非如此，理由係利率下降加上信貸寬鬆，所以樓價2002年起一直上升，雖然2006年第三季開始回落，但仍較2000年高出20％。穆廸嘅Economy.com估計，如樓價重返2000年水平，美國物業擁有家庭三個中將有一個係負資產！
忽然之間，美國證監會認為自己應該做D嘢嘅，所以決定阻止別人裸空，令對沖基金經理急急平倉，股市喺7月份反彈。平倉後基金只有拋售所持優質股（因為不能透過拋空低質股去對沖），結果8月份股市又回落。9月份投資者認為既然對沖基金亦唔准拋空，點解仲要揸對沖基金？引發咗9月份新一輪拋售期。今天美國證監唔准裸空嘅行為取消，不但未能阻止股市下跌，反而進一步推跌股市。拋空喺美國一向合法，忽然之間變成唔合法；至今人人莫名其土地堂？John K. Galbraith响佢嘅The Great Crash, 1929中咁樣描述：响跌市中總要搵D代罪羔羊，拋空者就因此成為被指摘對象。
兩位UCLA經濟學家研究指出，1929年後美國衰退期長達十五年（日本1990年起股市回落期共十三年）2007年11月起嘅美國衰退期又點？UCLA經濟系副主席擔心美國呢次衰退會否長達十至十五年？
2008年歡迎大家進入「梅菲」市場。梅菲博士認為，「anything that can go wrong, will go wrong.」（任何事物可能出錯者，最後都會出錯）。2007年11月起股市有如拿破崙從莫斯科撤退，沿途受到俄羅斯軍隊攻擊，愈來愈多人希望退出股市，令任何一次反彈都唔長久。唔少人希望自己今年Sell in May（如去年10月冇出貨嘅話），可惜時光不能倒流。
熊市只完成三分一
Bert Dohmen係美國知名嘅股市評論員，去年寫咗一本書叫Prelude to Melt down，預測全球金融業解體……今天嘅情況一如佢估計。我老曹認識Bert Dohmen已係1990年嘅事，1989年六四事件後，呢位鬼佬居然响1990年去北京旅行睇睇中國情況，順道經香港。响朋友介紹下，我老曹充當佢嘅嚮導，帶佢欣賞香港夜景，佢太太係西班牙人。我老曹招呼佢兩個到香港知名西班牙餐廳Amigo，而且談笑甚歡，大家不約而同睇好中國同香港經濟前景（1990年嗰年唔少人睇淡），我老曹亦因此成為佢嘅投資通訊嘅讀者。1997年亞洲金融風暴，我老曹亦將香港嘅情況講佢知，協助佢了解香港嘅情況，並進一步增加彼此了解。
十五個月前Bert Dohmen寫咗一篇「don't listen to all the Pied Pipers of Wall Street」（唔好再聽信華爾街大行嘅吹笛人），我老曹亦有同感，去年8月起我老曹亦响香港叫大家小心！佢從事分析業三十一年（我老曹比佢老資格少少，共四十年）。我老曹今年放假前，曾問佢對後市點睇？佢話：「It's only the 3rd inning.」（如你有玩美式棒球，便知道一場賽事共有九個inning），即家吓只係第三局，熊市只完成三分之一。
Bert Dohmen今年聲名大噪，你經常可以喺CNBC、Neil Cavuto Show、Louis Rukeyser's Wall Street Week及CNN Moneyline睇到佢。佢接受華爾街及商業周刊等訪問時風頭幾勁，唔知有冇忘記我老曹呢位喺1990年認識嘅香港朋友，以及當年曾請佢飲嘅紅酒（當年賣6000港元一枝，然今時今日幾萬蚊都買唔到也）。
訂閱：
文章 (Atom)
